يوميات مناضل .... قديم
امبارح كان عمرى عشرين
امبارح كان 6 ابريل
الحمد لله على كل شىْ
انا صحيت من النوم يا رجاله .... للاسف بس صحيت الحمد لله
رحت ساحة الشهداء ... قرأت الفاتحه للشهداء ووقفت دقيقه حداد على ارواح المناضلين العرب
عملت كام مشوار كده فى السريع وخلصت شوية شغل وبعدين طلعت على حزب الوفد بدرى قبل الميعاد بشويه علشان الدكتور
السيد البدوى رئيس حزب الوفد جاى ولازم الامور تتظبط والمسائل تتحل ....و فيه مفاجأه طبعا !
واتعرفت على واحد اسمه محمد طوكيو شاب وفدى يملؤه الحماس ,و بأمانه شاب جامد مفيش منه كتير وده اللنك بتاع اخر حاجه ليه قبل حتى متتلحن كمان حصريا مع عمرو حسن " احنا جامدين اوى "
اهداء لعشاق الراب المصرى .... الراب الاصلى.... من الفنان طوكيو
كنا قاعدين فى حزب الوفد بنتناقش حول مين بيعمل ايه ومين يقدر يعمل ايه بكره والحمد لله حاجات كتير اتوضحت وامور كتير اتنسقت بس سكتم بكتم
احد الرفاق كلمنى وقالى قابلنى ضرورى , قولتله انا فى حزب الوفد ومش حينفع اسيب الاجتماع دلوقتى تعالالى عند المحافظه وانا انزلك علشان اعرفك على الشباب هنا .....تمام سلام .... مفيش ثوانى ومروه اتصلت بيا عايزانى فطبعا نزلت من الحزب فورا............
حاجات كتير حصلت متهمش حد الا انا زى الحوار بتاع رباب ده الى بيزاولنى !!! وانا مالى انا ؟
لكن فى هذا اليوم بالتحديد 6 ابريل ذكرى الاضراب العام .... العصيان المدنى ... وقفة ضد التعذيب .... يوم 6 ابريل ليه احترامه ومتفهمش بقى ليه طلبت مع الشرطه انها تخدم الشعب يوم 6 ابريل وتخلع الفاميه من على زجاج العربيات ..... يعنى حبكت النهارده
امام مبنى المحافظه مابين كلية التربيه ومدرسة صادق الرافعى الى البدوى جاى فيها بكره الى هو النهارده ان شاء الله كان كمين مرور وبوكسين ثلاته والجيش اتخنق ومشى وكويس ان الظباط طلعوا متفاهمين وفضوا الليله دى بدرى بدرى
كان فيه ظابط فى الكمين اسمه الاستاذ حسام "وانا مش بتريق واللهى بس كان لابس جاكت ومعرفش رتبته ايه؟ "
سمعنى وانا بتكلم مع المهندس ابراهيم السعيد رئيس الحزب الجمهورى وبقولوا ان الشرطه بتتمطع على الشعب ومفيش احترام لذكرى 6 ابريل .... لقيته اتضايق واتتنرفز وقالى يعنى نروح بيوتنا احسن و....اتخنق منى بالصدفه البحته قالى انا كنت عاوز اسجلك الكلمتين دول !!!! هو ايه ده بالظبط يعنى المهم
المهندس ابراهيم السعيد قالى اهدا ياعمرو .... فهديت , والراجل رجع يشوف شغله بعد لما المهندس ابراهيم اتكلم معاه وعرفه ان انا صحفى وان كلنا بنخدم الصالح العام وان كلنا ايد واحده فى الصح و.....,
واحنا كمان استعدينا وعملنا كام تليفون بس الحمد لله انهم خلعوا بدرى علشان الجو برد عليهم والشرطه برده بنى ادمين يعنى بيسقعوا زينا فحرام يسهروا فى الشوارع فى التلج ده , اتكلمت شويه مع عمرو عطا الله مندوب اخبار الحزب الجمهورى وطلع صاحى بقالوا كتير اوى هو كمان واتفقنا نعمل حاجه كده
قبل ما نروح الحزب الجمهورى الحر كلمت الظابط حسام وفهمته ان انا فيلسوف مجنون فميزعلش منى لان انا مبقصدش ازعل حد ابدا , بس الناس الى بتحب تزعل نفسها و الحمد لله طلع ذكى واقتنع وكمان فهمنى نقطه مهمه وضحتلى هو اتنرفز ليه قالى : ان"احنا بنحتفل بعيدين فى السنه الفطر والاضحى "ونحتفل تضامنا باعياد اخواتنا المسيحين مع الاحترام التام للمناسبات الاخرى ملناش دعوه بقى ... حتى فى الاجازات الرسميه بنشتغل
بس يعنى تلاقى الغلابه بتوع المرور الى متصدرين فى الوش بيقولوا كفايه بهدله يعنى وكبل النيابه او الضابط مش حيسمح للمرور اصلان انه يخلعلوه الفاميه علشان دى عربيتك وده من حقك "و ايه الرخامه دى "
بس التعليمات الى بتجيلهم اما ينفذوها على الجميع واما يعملوا حاجه مفيده فى البرد ده !
لماذا حدث هذا ؟ تمهيدا لاستقبال رئيس حزب الوفد؟ غلاسه والسلام ؟ الشرطه بتتمطع على الشعب فى 6 ابريل ؟ ولا حاجه غير كده خالص ؟
