عايز اولع روما بحالها

د. ايمن نور .....اما بعد فهذا نص رسالتى :-

يا د. أيمن؟ انا مخنوق جدا ومتضايق جدا جدا ومستاء بشده تبلغ الحلقوم
ايه ده الى بيحصل بالضبط قولى ؟
النهارده فى نشرة التاسعه مساءا كان فيه تقرير مصور عن انتخابات مجلس الشعب
كان التقرير بيصور للعالم كله ان كل المصريين مشاركين فى الانتخابات وبطريقه تغيظ كان فيه استطلاع رأى , الى بيقول انه حيدى صوته لمرشح حزبه, والى بيقول انه حيدى صوته للى مش عارف ابه .....طب وفين المقاطعين للانتخابات ؟
والى يفرس اكتر انهم جابوا حزب الغد ممثلا فى مصطفى موسى مصطفى ! وبيقولوا انه رئيس حزب الغد؟
ربنا يطول عمرك يا د. ايمن ...انت الغد
انت مؤسس حزب الغد ومازلت الرئيس الشرعى لحزب الغد
ما يدعوا للملاحظه ايضا هو ان التقرير يغيظ بطريقه تفرس او يفرس بطريقه تغيظ ! ,حيث صور برامج الاحزاب (بفرح العمده ) المليئ بالعواجيز وصور الحزب الوطنى ( بغرفة العمليات المركزيه ) تلك التى تعج بالشباب !! معقول؟
كان لازم تشوف التقرير ! واكيد حضرتك شوفته
هو ده الاعلام المصرى ؟
طب فين المصداقيه قدام العالم الحر ؟
بلاش دى ...فين المصداقيه ادامنا احنا ؟ المصريين
بالطريقه دى الاعلام بيصر على انه يكون مجرد برنامج ترفيهى اخر حيث الكوميديا الرخيصه والاعيب المضحكه ؟
ولا برنامج حوار الاحزاب ده كمان ؟
يعنى اولع فى نفسى واخلص؟
معاك ولاعه يا دكتور ايمن؟